Paumanhin ng Nagmamahal

"You need to spend time crawling alone in the shadows to truly appreciate what it feels like to stand in the light."
-Shaun Hicks

Paumanhin ng Nagmamahal

isang bukas na liham kay Jean Vicente

Ako ay humihingi ng paumanhin sa iyo

Hindi dahil sa gusto kitang bumalik

O gusto man kitang masilayan muli

Ngunit gusto kong magpaumanhin

Upang sa gayon ay ako'y matahimik

Pasensya na at minahal kita

Pasensya na at hinangad ko ibigay ang lahat

Pasensya na at ikaw lang ang nagpangiti sa akin

Pasensya na at binuksan ko ang buong katauhan ko sa iyo

Pasensya na at pinasaya mo ako ng totoo

Pasensya na at ako'y naging mapilit

Pasensya na at ako'y nagmadali

Pasensya na at ako'y naging metikuloso

Hindi ko lang naman talaga alam

Hindi ko alam kung paano magmahal

Hindi ko alam kung paano kita mamahalin

Hindi ko alam kung paano ko maipapakita

Hindi ko alam kung ano nga ba ang gusto mo

Ang gusto ko lang naman ay makasama ka

Sa bawat oras na kailangan kita

Gusto ko lang naman masilayan

Ang ngiting nagpapaliwanag sa mundo kong walang araw

Gusto ko lamang ay sumaya

Sa iyo ko lamang ito nahanap

Bawat umaga ikaw ang nasa isip

Wala namang ibang gumagana

Alam kong hindi ako perpekto

Pero sana alamin mo na ako'y nagpapakahirap

Para maging sapat sa iyo

Ayoko lang naman na mawala ka

Sabihin mo man na mayroon pang iba diyan

Na makakapagpasaya sa akin

Paano mo nga ba alam?

Alam mo ba ang nararamdaman ko?

Kapag nakikita kita, ang mundo ko'y nawawalan ng kalinawan

Ikaw lamang ang nakikita ng aking mga mata

At ang iyong boses lamang ang aking naririnig

Alam mo ba ang pakiramdam na ang puso mo ay tumigil sandali?

Alam mo ba ang aking ngiti sa gabi

Kapag ako'y sinabihan mo ng "Goodnight"?

Hindi mo maikukumpara ang saya

Ang sayang dulot mo sa buhay ko

Sa kahit anong saya na mararanasan mo

Ngunit, ang lahat ay naglaho

Hindi mo man lang ako kinakausap

Ngayon, ang nararamdaman ko kapag nakikita kita

Ay nag iba na

Kapag nakikita kita, ang mundo ko'y nawawalan ng kalinawan

Nandidilim ang paligid at gusto kong mamatay

Lalo na pag may kasama kang lalaki

Ang aking puso ay hindi makatibok ng maayos

Sa aking paguwi ako ay mapapaisip

Magiisip ng magiisip hanggang alas tres ng umaga

Bakit siya, bakit hindi ako?

Bakit nga ba siya, at bakit hindi ako?

Kaya't paumanhin kung ganito ako

Kasi hindi mo alam ang sakit

Hindi mo rin alam ang kawalan

Hindi mo rin alam kung gaano ka kaimportante sa akin

Pasensya na, nagmamahal lang po ako ng marangal

Pasensya na tao lang

Na nagkakamali

Hindi sa minamahal, kung hindi sa pagmamahal

Pasensya na, buhay ko lang naman ang aking inihanda

Na ibigay sayo ng buong buo

Ano nga ba at hindi mo magawa ang pareho

Sabihin mo at nang ako'y magtanda

Mahal kita

Pero

Sulit ba?